अमेरिकन एअरलाइन्सको विमान र सेनाको हेलिकोप्टर दुर्घटनामा १८ शव फेला

Everest Fuji News २०८१ माघ १७ मा प्रकाशित       Published at 2025 Jan 30


अमेरिकन एअरलाइन्सको विमान र सेनाको हेलिकोप्टर दुर्घटनामा उद्धार टोलीले १८ जनाको शव फेला पारेको छ । 

अमेरिकाको रेगन वाशिङ्टन राष्ट्रिय विमानस्थल नजिकै पोटोमाक नदीमाथिको आकाशमा विमान र हेलिकोप्टर ठोक्किएर नदीमा खसेको थियो । दुर्घटनामा परिचालित आपत्कालीन उद्धार टोलीले १८ वटा शव फेला परेको अन्तर्राष्ट्रिय सञ्चारमाध्यमले जनाएका छन् । उद्धार र खोजी कार्य भइरहेको छ । विमानमा ६० यात्री र चालक दलका चार सदस्य रहेका र सेनाको हेलिकोप्टरमा तीन जना रहेका खबरमा उल्लेख छ । विमानस्थलको धावनमार्गतिर जाँदै गरेको अवस्थामा विमान हेलिकोप्टरसँग ठोक्किएको थियो । घटनापछि रेगन विमानस्थलले सबै उडान तत्कालका लागि बन्द गरेको छ ।।



प्रतिक्रिया

सम्बन्धित खवर

ताजा समाचार



Copyright © 2024 News. All Rights Reserved.