मँसिर-२२, जापान।
गल्कोट समाज जापानले अङ्रेजी नयाँ सालको अवसरमा ३ प्रकार को पुरस्कार सहित जापान को मुख्य ३ शहर हरुमा सान्स्कृतिक कार्यक्रम गरिने भएको छ । नेपालको अतिबिकट तथा भूकम्प प्रभावित क्षेत्रमा बिधालय भबन निर्माण तथा गल्कोट क्षेत्रमा पर्यटनको काम समेत गर्ने उदेश्य सहित अग्रेजी नयाँ बर्ष को उपलक्ष्यमा सांगीतिक कार्यक्रम जापानका प्रमुख ३ शहरमा गर्न लागेको छ ।
गत साल जापानको ३ प्रमुख शहरमा उपस्थित दर्शक मध्य १/१ जनालाई नेपाल जाने आउने हवाई टिकट उपहार दिएको गल्कोट समाज जापानले यस पटक पनि निरन्तरता दिदै प्रत्यक शहरमा थप १/१ जनालाइ ट्याब्लेट १ थान र स्मार्ट फोन १ थान समेत उपहारको आयोजना गरेको जनाएको छ । यसरि गल्कोट समाज जापानको कार्यक्रममा उपस्थित दर्शक मध्य जापानका ३ शहरमा गरि ९ जना भाग्यशालि बिजेता घोषणा हुने छन । जसमा ३ जनाले स्मार्टफोन पाउने छन्, ३ जनाले ट्याब्लेट र ३ जना ले नेपाल जाने आउने हवाई टिकट उपहार पाउने छन् ।
जाने आउने दुइतर्फी टिकट को प्रायोजन काठमान्डौ स्थित सिरेन ट्राभलले गरेको छ ।
