काठमाडौं/
नेपाल चिकित्सक संघले आफ्ना मागका बारेमा सरकार गम्भीर नभएको भन्दै मंगलबार पनि आकस्मिक बाहेकका उपचार सेवा बन्द गरि प्रदर्शनमा उत्रिएको छ ।उपभोक्ता संरक्षण ऐन २०७५ को दफा २ मा विभिन्न सेवाहरुको परिभाषा गर्ने क्रममा स्वास्थ्य र चिकित्सकीय सेवाका साथै अन्य सेवालाई समावेश गरिएकोमा त्यसलाई संशोधन गर्नुपर्ने माग राख्दै संघको नेतृत्वमा आन्दोलन गर्दै आएका छन् ।
देशभरका अस्पतालमा आकस्मिक बाहेकका उपचार सेवा बन्द हुदा विरामीलाई समस्या परेको छ । माइतिघरमा प्रदर्शनमा उत्रिएका चिकित्सकहरुले नेपाल मेडिकल काउन्सिल ऐन २०२० मा निर्दिष्ट प्रावधान अनुसार नेपालमा चिकित्सकीय अभ्यासलाई नियमन गर्ने स्पष्ट क्षेत्राधिकार काउन्सिलको रहेको संघका अध्यक्ष डा अनिल बिक्रम कार्कीले बताउनु भएको छ । उहाँले काउन्सिलको क्षेत्राधिकारको बिषयमा अदालतले हस्तक्षेप गर्दा चिकित्सकहरु काममा फर्कने अवस्था नरहेको बताउनुभएको छ ।उहाँले राज्यले अझै पनि मागको सुनुवाई नगरे सम्बन्धीत निकायमा चिकित्सकको लाइसेन्स बुझाउने उल्लेख गर्नुभएको छ । राज्यले स्वास्थ्य क्षेत्रलाई सेवा नभइ उद्योग बनाउन खोजेको संघको आरोप रहेको छ ।।
