कात्तिक, काठमाडौं । कारोबार दैनिकका पूर्व सम्पादक एवं आर्थिक पत्रकार सञ्जय न्यौपानेको उपचारका क्रममा निधन भएको छ ।
स्नायुप्रणालीसम्बन्धी रोगका कारण झण्डै एक बर्षदेखि उपचार गराइरहेका न्यौपानेको शनिवार साँझ ललितपुरस्थित नेपाल क्यान्सर अस्पतालमा निधन भएको पारिवारिक स्रोतले जनाएको छ ।
‘एनाप्लास्टिक एस्ट्रोसिटोमा’ भनिने स्नायु प्रणालीसम्बन्धी रोग लागेपछि उनी बिगत एक बर्षदेखि भारतको मेदान्त अस्पतालमा उपचार गराइरहेका थिए ।
उनको स्वास्थ्यमा राम्रो सुधार भइरहेका बेला बिजया दशमीको दिन एक्कासी बेहोस भएर ढलेका थिए । त्यसपछि पुनः मेदान्त लगिएका न्यौपानेलाई अस्पतालले नेपालमा उपचार गराउनु भन्दै फिर्ता गरिदिएको थियो ।
लामो समय आर्थिक पत्रकारितमा क्रियाशिल रहेका न्यौपाने कारोबार दैनिकका पूर्व सम्पादक हुन् । कान्तिपुर दैनिकमा लामो समय आर्थिक पत्रकारिता गरेका उनले त्यहाँ बिजनेस ब्युरो प्रमुख र चिफ रिपोर्टर भएर काम गरेका थिए ।
उनी नेपाल आर्थिक पत्रकार समाज (सेजन)का पूर्व उपाध्यक्ष पनि हुन् । पत्रकार न्यौपानेको निधनमा एबरेष्टफुजीन्युज डट कम हार्दिक श्रद्धाञ्जली व्यक्त गर्दछ । साथै शोकसन्तप्त परिवारमा गहिरो समवेदना प्रकट गर्दछ ।
२०७३ कार्तिक २० गते १९:५९ मा प्रकाशित
