ताराखोलामा एक महिलाको वेवारिसे लाश फेला
पुर्णभन्द्र न्युरे , ताराखोला
बागलुङ गलकोटको ताराखोलामा एक महिलाको बेवारिसे लाश फेला परेको छ ।
तारा गाविस वडा नम्बर २ पातले जंगलमा अन्दाजी ४५ वर्षिय महिलाको वेवारिसे शव फेला परेको इलाका प्रहरी कार्यालय हरिचौरका प्रमुख प्रहरी निरिक्षक अर्जुनध्वज अधिकारीले जानकारी दिनुभयो ।
इलाका प्रहरी कार्यालय हरिचौर, ताराखोला र स्थानियको मिलेर शव जंगलबाट निकालिएको हो । हिजो जंगल जाने क्रममा तारा २ का वडा नागरिक मञ्चका संयोजक मनबहादुर रोकाले वेवारिसे लाश देखेपछि प्रहरीलाई खबर गर्नुभएको थियो ।
मृतक महिलाले रातो व्लाउज र हरियो सुतिको सारी लगाएको र उनको साथमा एउटा झोला र झोलाभित्र चप्पल रहेको प्रहरी निरिक्षक अधिकारीले बताउनुभयो । घनघोर जंगलमा कसरी मृत्यु भयो भन्ने खुल्न नसेकेको र शवलाई पोष्ट मार्टमका लागि प्राथमिक स्वास्थ्य केन्द्र हरिचौर ल्याउन लागिएको प्रहरीले जनाएको छ ।
साभार:सामुदायिक रेडियो गलकोट
