नेपाल आदिवासी जनजाति पत्रकार महासंघ फोनिजले ३ जना आदिवासी जनजाति पत्रकारलाई पुरस्कार तथा सम्मानपत्रबाट सम्मान गरेको छ। फोनिजको आफ्नो १७ औ स्थापना दिवसको अवसरमा साउन २७ गते आयोजित कार्यक्रममा रेडियो तर्फ बुद्ध योन्जन छापातर्फ मीरा राजभण्डारी र अनलाईनको देव कुमार सुनुवार सम्मानित हुनुभएको हो। सो पुरस्कार आदिवासी जनजाति उत्थान प्रतिष्ठान का उपाध्यक्ष चन्द्र वहादुर गुरुडले प्रदान गर्नुभएको थियो। कार्यक्रममा प्रेस काउन्सिलका अध्यक्ष वोर्ण बहादुर कार्की नेपाल पत्रकार महासंघका अध्यक्ष डा महेन्द्र विष्ट फोनिजको पुर्व अध्यक्ष खिन्न धले प्रेस यनियन र प्रेस चौतारीका अध्यक्षलगायतले शुभकामना मन्तव्य दिनुभएको थियो।
