अमेरिकाकाे डल्लासमा एक नेपाली व्यवसायी नवराज शिवाकोटीले अात्महत्या गरेका छन् । गत वर्ष एक अश्वेत अमेरिकन लुटेराकाे गाेली प्रहारबाट उनकी श्रीमती समिरा शिवाकोटी मारिएकी थिइन् । श्रीमतीकाे हत्यापछि साँढे तीन वर्ष र दुई वर्षका दुई अवाेध छोरीकाे पालनपाेषण गर्दै अाएका नवराजले पत्नी वियाेगकै कारण अात्महत्या राेजेकाे बताइएकाे छ । नवराजले टेक्सससँगै सीमा जोडिएको ओक्लाहोमामा पुगेर अाइतबार आत्महत्या प्रयास गरेका थिए । घाइते अवस्थामा भेटिएका उनलाई एअर एम्बुलेन्सबाट प्लानो हस्पिटलमा ल्याएर उपचार गरिए पनि बचाउन सकिएन र उनकाे मंगलबार निधन भएकाे थियाे । पत्नी वियोगको पीडालाई भुल्न सकेन नवराजले ? १४ महिनासम्म पनि उसले आफूलाई सम्हाल्न सकेन । पछिल्लो समयमा डेन्टन अदालतमा मुद्धाको अन्तिम सुनुवाई भइरहेको थियो । यही मुद्धाले गर्दा पनि उसले सन् २०१५ जुन १० को त्यो कालोदिनलाई भुल्न सकेन ।
विष्णु शिवाकाेटी, नवराजका बुधबार ड्यालसको ‘हग्स फनरल हाउस’ मा उनकाे अन्तेष्टी गरिएकाे थियाे । ससाना दुइ अवाेध छाेरीहरूकाे उपस्थितिमा गरिएकाे उनकाे अन्त्येष्टीले माहाैल स्तव्ध बनाएकाे थियाे । शाेकसभामा नवराजका दाइ विष्णुले छाेरीहरूकाे पालन पाेषणमा कुनै कमी नगर्ने वचन दिए । सन् २००४ मा अमेरिका आएको नवराजको परिवार ग्यास स्टेसन चलाएर सुखी जीवन बिताइरहेकाे थियाे । गत वर्ष जुन १० मा पत्नी समीराकाे हत्या गरिएपछि उनी मानसिक रूपमा विक्षिप्तजस्तै भएका थिए । शायद, त्यही बेचैनीले हुनसक्छ, उनलाइ दुइ अावाेध छाेरीहरूकाे मायाले पनि बाँच्न अभिप्रेरित गर्न सकेन । नवराजले गरेकाे अात्महत्यालाइ लिएर मिश्रित प्रतिक्रिया प्राप्त गरेकाे छ । केहीले पत्नीप्रतिकाे अगाध प्रेमका रूपमा सम्मान गरेका छन् भने केहीले अवाेध छाेरीहरूलाइ अनाथ बनाएकाेमा गैरजिम्मेवारीपन पनि भनेका छन् । अमेरिकामा सहज बन्दुक पाइने भएकाले त्यसैकाे उन्मादमा अपराधिक घटनाहरू बढिरहेका छन् । ड्यालसकाे नपाली समाजले भने याे घटनाकाे श्रृंखलालाइ बन्दुके उन्मादले तहसनहस पारेकाे एक दुःखद घटनाका रूपमा लिएकाेहातमा बन्दुक भएको उन्माद प्रदर्शनले एक नेपालीको परिवार अमेरिकामा उजाडिएको छ । गत वर्ष पत्नीको हत्यापछि बिरक्तिएका नवराजले अाइतबार टेक्ससको डेन्टनबाट टाढा अोक्लाहाेमा पुगेर अात्महत्या गरे । उनको निधनले नेपालको दाेलखादेखि सुन्दर सपना बाेकेर अाएको नेपाली परिवार उजाडिएको छ । दुइ साना नानीहरूमध्य एकले अामा शब्दको प्रष्ट उच्चारण पनि गर्न नभ्याउँदै अामा गुमाइन् भने अहिले बाबा । अमेरिकाभरि छरिएर रहेकाे नेपाली समाज र तिनका अगुवा हुँ भन्नेले बन्दुके अातंक विरूद्ध अाफ्नो पनि कुरा राख्दै अमेरिकी सरकारलाइ दवाव दिने, धारणा राख्नेतिर ढिला भएन र भन्या ? अागो लागिसकेपछि कुवा खन्नेतिर लाग्ने भन्दा पनि पहिलेनै खन्ने हो कि । – पत्रकार रामचन्द्र भट्ट, टेक्सस
तस्वीर साैजन्यः हिमालय खबर
