अनेसास आजीवन सदस्यहरूको अन्तिम नामावली यही मे ३० सम्म अन्तर्राष्ट्रिय नेपाली साहित्य समाज, केन्द्रीय कार्यसमिति (२०१८-२०२०) को निर्वाचन प्रयोजनका लागि आजीवन सदस्यहरूको अन्तिम नामावली भोली मे ३०, २०१८ सम्म अन्तिम म्याद भएको अनेसास केन्द्रले जनाएको छ ।
निर्वाचन समितिलाई उपलब्ध गराउनु पर्ने निर्वाचन समितिबाट प्राप्त जानकारी प्राप्त भएकोले आजीवन बन्न चाहने व्यक्ती तथा स्रष्टाहरुको आजीवन सदस्य बनाउनु पर्ने वाध्यत्मक परिस्थितीलाई मध्य नजर राख्दै जानकारी केन्द्रमा पठाउन पर्नेछ ।
बाँकी रहेका च्याप्टरहरूले आजीवन सदस्यहरूको नाम, ठेगाना, इमेल र फोन नम्बर तथा रकम यही मे २९, २०१८ सम्म निम्नलिखित इमेलमा प्राप्त हुने गरी पठाउन अनुरोध गरेको छ ।
सदस्यताको रकम संस्थाको वेबसाइटमा रहेको पेपाल वा बैङ्क खातामा जम्मा गरी वा केन्द्रीय कार्यसमितिका पदाधिकारीहरू मार्फत पठाउन पनि अनुरोध गरेको छ । मे २९, २०१८ पश्चात् विवरण प्राप्त हुने आजीवन सदस्यहरूले यही जुलाईमा हुने केन्द्रीय कार्यसमिति (२०१८-२०२०)को निर्वाचनमा मतदान गर्न नपाउने केन्द्रले जनाएको छ ।
