अफगानिस्तानका दुई प्रान्तमा असिना र भारी वर्षाका कारण २९ जनाको मृत्यु

Everest Fuji News २०८१ फाल्गुन १५ मा प्रकाशित       Published at 2025 Feb 27


काठमाडौं/

अफगानिस्तानका दुई प्रान्तमा असिना र भारी वर्षाका कारण २९ जनाको मृत्यु भएको छ भने कयैन घाईते भएको अन्र्तराष्ट्रिय सञ्चारमाध्यामले जनाएको छ । अफगानिस्तानको पश्चिमी फराह प्रान्तमा असिनाका कारण २१ जनाको मृत्यु भएको र ६ जना घाइते भएको सो प्रान्तको विपद् व्यवस्थापन विभागका प्रमुख मोहम्मद इजरायल सायरले बताउनु भएको छ । भारी वर्षाका कारण पीडित हुनेमा पिकनिकमा गएका दुई परिवारका सदस्यहरू रहेको समेत उहाँले बताउनुभएको छ । यस्तै दक्षिणी कान्दाहारमा स्थानीय विपद् व्यवस्थापन विभागले भारी वर्षाका कारण विभिन्न स्थानमा महिला र बालबालिका सहित ८ जनाको मृत्यु भएको जनाएको छ ।

वर्षाका कारण कपडा धुने काममा व्यस्त ४ महिलालाई बाढीको पानीले बगाएको समेत बताइएको छ । कान्दाहारमा एक परिवारको छत खस्दा एक बच्चा डुबेको र एक महिला र तीन बालबालिकाको मृत्यु भएको बताइएको छ । गत वर्ष मे महिनामा आएको आकस्मिक बाढीले अफगानिस्तानमा सयौँ मानिसको ज्यान लिएको थियो र कृषि भूमिको ठूलो भाग डुबानमा परेको थियो । त्यहाँ ८० प्रतिशत मानिस बाँच्नका लागि खेतीमा निर्भर रहेका छन् ।।




प्रतिक्रिया

सम्बन्धित खवर

ताजा समाचार



Copyright © 2024 News. All Rights Reserved.