नेपाल मानव अधिकारको संरक्षण र प्रवद्र्धनमा सदैव प्रतिबद्ध : परराष्ट्रमन्त्री

Everest Fuji News २०८१ फाल्गुन १३ मा प्रकाशित       Published at 2025 Feb 25


काठमाडौं/

परराष्ट्रमन्त्री डा. आरजु राणा देउवाले नेपाल मानव अधिकारको संरक्षण र प्रवद्र्धनमा सदैव प्रतिबद्ध रहि आएको बताउनु भएको छ ।

संयुक्त राष्ट्र संघीय मानव अधिकार परिषदको ५८ औँ उच्च स्तरीय सत्रलाई जेनेभामा सम्बोधन गर्नेक्रममा उहाँले सो प्रतिबद्धता जनाउनु भएको हो । मन्त्री देउवाले सीमित स्रोत र साधनका बाबजुद पनि मानव अधिकारको रक्षा र प्रवद्र्धनमा नेपाल विश्वकै एक अग्रपंक्तिको राष्ट्रका रुपमा रहँदै आएको समे बताउनु भएको छ । उहाँले नेपालमा हाल लोकतन्त्र र मानवअधिकारका लागि लामो समयदेखि संघर्ष गर्दैआएका राजनीतिक दलहरुको सरकार रहेकाले नेपाल सरकार प्रजातन्त्र र मानवअधिकारको रक्षा तथा प्रवद्र्धनप्रति थप प्रतिबद्ध रहेको समेत स्पष्ट पार्नुभएको छ । नेपालले मानव अधिकारका क्षेत्रमा व्यक्त गर्दै आएको यही प्रतिबद्धताका साथ यस परिषदको आगामी सन् २०२७ देखि २०२९ सम्मका लागि सदस्यमा उम्मेदवारी दिएको जानकारी दिँदै संयुक्त राष्ट्र संघका सबै सदस्य राष्ट्रहरुसँग नेपाललाई समर्थन गर्न समेत आग्रह गर्नुभएको छ ।।




प्रतिक्रिया

सम्बन्धित खवर

ताजा समाचार



Copyright © 2024 News. All Rights Reserved.