नेकपा माओवादी केन्द्रले वर्तमान गठबन्धनको सरकार धेरै दिन नटिक्ने दाबी गरेको छ ।
बुधबार पार्टी कार्यालय पेरिसडाडामा पत्रकार सम्मेलन गर्दै माओवादी प्रवक्ता अग्निप्रसाद सापकोटाले सो कुराको दाबी गर्नुभएको हो । उहाँले सरकारप्रति कांग्रेसभित्रै चर्को आक्रोश रहेकाले वर्तमान गठबन्धनको सरकार धेरै दिन नटिक्ने बताउनुभएको हो । उहाँले सरकारलाई लिएर कांग्रेसभित्र चर्को अन्र्तविरोध देखिएकाले सरकारका आयु धेरै दिन छैन भन्ने सहजै अनुमान लगाउन सकिने समेत बताउनुभएको छ । उहाँले आफुहरु सरकार ढाल्ने खेलमा भने नरहेको बताउनु भएको छ । उहाँले संविधान संशोधनको आवरण बनाएर दुई दलको सरकार बनाइएको भन्दै अहिले दुई दलको सरकार अधिनायकवादको दिशातर्फ उन्मुख रहेको जिकिर गर्नुभएको छ । उहाँले वर्तमान सरकार मुलुकको कलंकको रुपमा स्थापीत भइरहेको समेत बताउनु भएको छ ।
उहाँले निजामति विधेयकका बिषयमा सांसदहरुको इमानमाथि प्रश्न उठेको भन्दै यसको जिम्मा संसदको नेतृत्व तहले लिनुपर्ने समेत बताउनुभएको छ ।।
