वासिङ्टन, ४ पुस– अमेरिकाको वासिङ्टनमा गुडिरहेको रेलको डिब्बा लिकबाट फुत्किएर तल खस्दा कम्तीमा ६ जनाको मृत्यु भएको छ । दुर्घटनामा १०० भन्दा बढी घाइते भएका छन् ।
राजमार्गमाथि रहेको रेलमार्गमा गुडिरहेको रेलको डिब्बा लिकबाट फुत्किएर तल रहेको आई–५ राजमार्गमा खसेको हो । रेलका कम्तीमा चारओटा डिब्बा तल राजमार्गमा खसेका छन् ।
ज्यान गुमाउने सबैजसो रेलमा रहेका यात्री हुन् । तर, तल सडकमा रहेका कसैलाई केही नभएको सरकारी अधिकारीले बताएका छन् । दुर्घटनाको कारण थाहा नभएको र अनुसन्धान भइरहेको प्रहरीले जनाएको छ । (एजेन्सी)
