आइएसविरुद्धको लडाइँ अन्त्य: इराक

इराकका प्रधानमन्त्री हैदर अल अबादीले इस्लामिक स्टेट समूहविरुद्धको लडाइँ अन्त्य भएको औपचारिक घोषणा गरेका छन्। आइएसको नियन्त्रणमा रहेका अन्तिम भू-भागहरुमाथि इराकी सेनाले पुन: नियन्त्रण कायम गरेको उनले बग्दादमा सञ्चारकर्मीहरुलाई बताए। रुसी सेनाले सिरियामा आइएस नियन्त्रित क्षेत्र अब बाँकी नरहेको र आफ्नो अभियान सफल भएको बताएको दुई दिनपछि इराकी प्रधानमन्त्रीको पछिल्लो घोषणा आएको छ।