काठमाडौं । लण्डनको दक्षिणपश्चिमस्थित पार्सन्स ग्रीनमा डिस्ट्रिक्ट लाइन रेलमा विस्फोट भएको छ । रेलको अगाडीको डिब्बामा विस्फोट भएको बताइएको छ ।
त्यसपछि त्यहाँ खैलाबैला भएको र मानिसहरुबीच भागदौड भएको बीबीसीले जनाएको छ । भागदौडका क्रममा केही व्यक्तिहरु घाइते भएका छन् ।
स्थानीय समयअनुसार बिहानको सवा ८ बजे विस्फोट भएको थियो । विस्फोट कसले गराएको कति क्षति भएको भन्ने बारेमा विस्तृत विवरण प्राप्त नभएको बीबीसीले जनाएको छ ।
२०७४ भदौ ३० शुक्रबार
