काठमाडौं । नेपाल उद्योग वाणिज्य महासंघमा बरिष्ठ उपाध्यक्षका लागि शेखर गोल्छाको समूहले उम्मेदवारी दर्ता गराएको छ ।
आगामी चैत २७ गतेबाट हुने नेपाल उद्योग वाणिज्य महासंघको चुनावको लागि आइतबार गोल्छाले प्यानलका पदाधिकारीले उमेदवारी दर्ता गराएका हुन् ।
गोल्छा प्यानलबाट जिल्ला नगर उपाध्यक्षमा दिनेश श्रेष्ठ, एशोसियट उपाध्यक्षमा चन्द्र ढकाल र वस्तुगत उपाध्यक्षमा उमेश श्रेष्ठले समेत उम्मेदवारी दर्ता गराएका छन् । कोषाध्यक्षमा ज्ञानेन्द्रलाल प्रधान उम्मेदवारी दर्ता भएको छ ।
एशोसियट उपाध्यक्षमा उम्मेद्वारी घोषणा गरेका शौरभ ज्योतिले पनि ढकाललाई समर्थन गर्दै उम्मेद्वारी घोषणा फिर्ता लिएका छन् । उनले गोल्छा टिमलाई आफ्नो साथ रहेको बताए । उनी अब केन्द्रीय सदस्यमा नै लड्ने भएका छन् ।
किशोर प्रधान समूहले एशोसियट उपाध्यक्ष अहिलेसम्म घोषणा गरेको छैन । यदि प्रधान समूहले एशोसियट उपाध्यक्ष घोषणा नगरे ढकाल सर्वसम्मत निर्वाचित हुने देखिएको छ ।
