‘सडकमै खाऔँ, सडकमै नाचौँ र सडकमै रमाऔँ’ भन्ने नाराका साथ अङ्ग्रेजी नयाँ वर्ष 2017 को अवसरमा पोखराको फेवाताल किनारमा पोखरा सडक महोत्सव हुने भएको छ। रेवान पोखराको आयोजनामा पुष १३ देखि १७ गते सम्म हुने १८ औं पोखरा सडक महोत्सवको आयोजना गरिएको हो। स्वदेशी र विदेशी पर्यटकलाई लक्षित गरेर पोखरालाई नेपाल सहित विश्व पर्यटन बजारमा थप परिचित गराउन रेष्टुरेँट एण्ड वार एशोसिसयसन अफ नेपाल (रेवान) पोखराले महोत्सव १७ वर्ष देखि महोत्सव गर्दै आएको छ ।
फेवाताल किनारको शहीदचोकदेखि खहरे डिहिकोपाटनसम्म साँढे तीन किलोमिटर क्षेत्रमा महोत्सव हुने महोत्सवका संयोजक गोपीबहादुर भट्टराईले जानकारी दिनुभयो महोत्सवका अवसरमा होटल र रेष्टुरेँटले दिने सेवामा १५ देखि २० प्रतिशत छुट दिदै हिमाल, ताल, गुफा, धार्मिकस्थल र पर्यटकीय सुन्दरताले विश्व बजारमै अग्रणी पर्यटकीय गन्तव्यका रुपमा चिनिएको पोखरामा हुने सो महोत्सवमा विविध खानाका परिकार, खेलकुद, सांस्कृतिक र मनोरञ्जनमूलक कार्यक्रमसमेत आयोजना गरिनेछ ।j
0
