विश्व शान्तिका अग्रदुत भगवान गौतम २५६१ औ जन्म जयन्ती टोकियो स्थित निप्पोन्जन मियोहोजी मन्दिरमा धार्मिक परम्परा अनुसार मनाएको छ ।
बुद्ध जयन्ती समारोहमा सहभागी वक्ताले विश्व मानचित्रमा भारतको नक्सामा नेपालको नक्सा अन्कित भएकोमा चिन्ता व्यक्त गरे ।
बुद्ध जयन्ती समारोहमा उपस्थित भक्तजनहरुलाई पूजारी अन्जुसान 'रमा'ले आशिर्वाद दिदै जुन सुत्र र जुन रुपले आरधना गरे पनि आखिर हाम्रै गौतम बुद्धको अनुयायी भएकोले सबैले एकजुट भएर उहाको स्मरण गर्नु पर्ने आशय व्यक्त गर्नु भयो ।
साथै उहाले बुद्ध सम्बन्धी जापानको प्रचार प्रसार सामग्रीमा बुध्द भारतमा भएको र भारतको नक्सामा नेपालको नक्सा अन्कित भएको चिन्ता व्यक्त गर्नु भयो ।
त्यस्तै डा. दिनेश मानन्धरले पनि विद्यार्थीकालमा भारतमा अध्ययन गर्दा प्रध्यापकहरुले बुद्ध र बुद्ध दर्शन सम्बन्धी भारत मै भएको उल्लेख गरेको तर त्यहा प्राध्यापकलाई अत्यन्त श्रद्दा गर्ने भएकोले आफुले विरोध गर्न नसकेको अभिव्यक्ती दिनु भयो ।
कन्या क्याम्पसमा करिब २ दशक प्राध्यापन गर्नु भएका गणेश नेपालले हामी जातिय भन्दा माथि उठेर राष्ट्रियताको सवालमा आवाज उठाइ सबै जाती र धार्मिक आस्थावानहरुले एकिकृत भएर भगवान गौतम बुद्ध प्रती आस्था राख्नु पर्ने विचार व्यक्त गर्नु भयो ।
नेपाल आदिवासी जनजाती महासंघको आयोजनामा भएको सो कार्यक्रममा एनआरएन प्रतिनिधि, बुद्दिजिवी , संचारकर्मी, र पेशाकर्मीको पनि उपस्थिती थियो ।
कार्यक्रममा महासंघका अध्यक्ष पासाङ शेर्पाले सहभागी सबैलाई धन्यवाद दिनु भयो । रेख ब्लोन तामाङ ,शालिकराम भण्डारी पनि सम्बोधन गरेका थिए भने सचिव देवी बहादुर इङ्नामले कार्यक्रम सन्चालन गरेका थिए ।
भक्तजनलाई प्रसादको साथसाथै चिया र खाजा पनि निशुल्क वितरण गरिएको थियो ।
