बिशवका धेरै देशहरुमा छरिएर रहेका कास्की जिल्लाबासीहरुको संस्था कास्की आदर्श सेवा समाजको अन्तराष्ट्रिय समन्वय परिषद नेपालले आफ्ना चारजना सल्लाहकारहरु चयन गरेको छ।
पुष २९, २०७३ मा संस्थाका अध्यक्ष तिलकसाली सापकोटाको अध्यक्षतामा बसेको बैठकले कतारबाट आश बा गुरुङ, दुबईबाट कृष्ण बहादुर ढकाल, अमेरिकाबाट नारायण थापालाई सल्लाहकारमा मनोनयन गरेको छ। बाँकी सदस्यहरु नेपाल, युरोप, एसिया, बेलायत, अष्ट्रेलिया, अफ्रिका लगायतबाट गरिने कुरा संस्थाले जनाएको छ। सल्लाहकारहरुको संयोजकमा भने हशराज ढकाल क्षत्री रहनुभएको छ।
अमेरिकाबाट मनोनित सदस्य नारायाण थापा कास्कीबाट जापान जनसम्पर्क समित गठन गर्दै अमेरिका समेत पुगेर जनसम्पर्क समित गठनमा पहल गरि केन्द्रिय सदस्य, सल्लाहकार समेत रहनु भएको थियो। केही वर्षदेखि आफ्नो ब्यबसाय अमेरिकामै गर्दै आउनु भएका थापाले अब कस्केली समाजको साधारण सभा पोखरामा गर्ने पहल भएको कुरा जानकारी गराउनु भएको छ।
संयोग नै मान्नु पर्छकि रविना थापा, एनआरएन अमेरिकाको उपाध्यक्ष हुनुहुन्छ र आगामी कार्यकाल २०१७-२०१९ का लागी अध्यक्षको प्रत्यासीहरुमा सबैभन्दा अग्रपंतिमा रहनु भएकी थापा नारायाण थापाकी श्रीमती हुनुहुन्छ। एकै परिवारका यी दुवै सदस्य बराबरी रुपमा सामाजिक र राजनैतिक क्षेत्रमा प्रभासाली हुनुहुन्छ।
