गुरुङ जातीको चाड तमु ल्होसार आज मनाइदै -

पौष-१५, जापान। गुरुङ जाती हरुको महान ठुलो चाड ल्होसार आज को दिनलाई स्वदेश तथा विदेशमा धुमधामको साथ मनाउदै छ । तर विदेशमा भने पूजा आजा तथा अन्य गतिबिधी घर परिवार भित्र आजैको दिनमा गरिन्छ भने सामुहिक कार्यक्रम समयानुकुल अनुसार २,४ दिन अघी पछी गर्ने चलन छ । जापानमा भएका तमुहरु ले यही अङ्रेजी नयाँ वर्षलाई अवसर समेतलाई समेट्दै यही जनवरी २ तारिख मा टोक्यो स्थित शिन्जुकुमा स्थानीय कलाकार हरुको साथ धुमधामका साथ मनाइने तमु धिका अध्यक्ष श्री गुरुङले बताउनु भएको छ । तमु भन्नाले गुरुङ्ग समुदायलाई चिनाउँदछ भने ल्होसार भन्नाले नयाँ वर्ष भन्ने अर्थ लाग्दछ । शाब्दिक रुपमै प्रष्ट छ, आज गुरुङ्ग समूदायको नयाँ वर्ष हो । यस समूदायले आज विशेष हर्षका साथ अाफ्नो पारम्परीक नयाँ वर्षलाई स्वागत गर्दैछन् । यो नयाँ वर्ष 'च्यह ल्हो' को हामी सबैलाई शुभकामना ! स्मरण रहोस् आजको यो ल्होसार नेपालमा मात्र नभई तिब्बत, भुटान, भारत, म्यानमार लगायत संयूक्त राज्य अमेरिका, अष्ट्रेलिया, बेलायत ,जापान अनि थुप्रै देशहरुमा भएका तमु समुदायले भब्यताका साथ मनाउने गर्दछन् । यसरी आजबाट फेरिने वर्ष या भनौ नयाँ वर्षको सम्वतलाई तमु सम्वत भनिन्छ । सन २०१६ को जन गणना अनुसार नेपालको कुल जनसँख्याको ६८६ ,००० जना अर्थात ०.३९ % रहेको तथ्यान्कले देखाएको छ । जस मध्य ३३८,९२५ ले मात्र तमु भाषा मात्रै बोल्छन , अहिले पनि तमु हरु आफ्नो भाषा लोपान्मुखतिर गएको मा भाषाबिदहरु चिन्तित देखिएका छन । गुरुङ (तमु ) हरु आफ्नो परम्परागत मुल्य र मान्यतालाई सजग राख्न स्वदेश तथा विदेशमा विभिन्न कार्यक्रम हरु गर्दै आएका छन । तमाङ जातिले पनि यस् चाडलाई सोनाम ल्होसार को नाम ले मनाउने चलन छ भने यस् जातिको माघ १६ तदनुसार २८ जनवरीमा परेको छ । जापानमा कार्यक्रमः २२ अाैं ल्होसार साँझ २०१७ स्थानः यूनिभर्सल सिटीको हल, खाबुकीच्यो, शिंजुकु ( टोकियो) मितिः २०१७ जनवरी २ तारिक सोमबार समयः बेलुका ५ बजेबाट (४ बजे गेट खुल्ला) प्रबेश शुल्क : ३,००० येन साथमा सेल रोटी सेट सहित १ ड्रिंक