आज तामाङ समुदायहरुको २८६१ औं सोनाम ल्होछार पर्व देशभर विभिन्न कार्यक्रम गरि मनाईदै छ ।
सोही अबसरमा राष्ट्रपति रामचन्द्र पौडेलले सोनाम ल्होछार पर्वले बृहत् राष्ट्रिय एकतालाई थप सुदृढ गर्न मद्दत पुग्ने बताउदै शुभकामना व्यक्त गर्नुभएको छ । उहाँले बहुजातीय, बहुभाषिक, बहुसांस्कृतिक विविधतायुक्त नेपाली समाजमा सोनाम ल्होछारजस्ता पर्वहरूबाट सबै नेपालीबीच आपसी सद्भाव, सहिष्णुता र बन्धुत्वको भावना अभिवृद्धि हुने विश्वास समेत ब्यक्त गर्नुभएको छ । यसैगरी, उपराष्ट्रपति रामसहायप्रसाद यादवले पनि शुभकामना सन्देश जारी गर्दै नेपाली सामाजिक विविधताभित्र सुदृढ र प्रगाढ एकताले नेपालको राष्ट्रिय भावनालाई थप मजबुत बनाउन सहयोग पुग्ने विश्वास व्यक्त गनुभएको छ । यसैगरी, प्रधानमन्त्री केपी शर्मा ओलीले तामाङ समुदायको नयाँ वर्ष सोनाम ल्होसारका अवसरमा शुभकामना व्यक्त गर्नु भएको छ । उहाँले यस अवसरमा डम्फु बजाएर गाइने सेलो नेपाली लोक सङ्गीतको एउटा महत्वपूर्ण विधा भएको समेत बताउनु भएको छ । यसैगरी, सभामुख देवराज घिमिरेले हरेक नेपाली जातजातिका चाडपर्वहरूले नेपाली समाजलाई अझ समृद्ध बनाएको बताउनुभएको छ । उहाँले ल्होसारजस्ता पर्वहरूले नेपाली समुदायबीचको आपसी एकता र समन्वयलाई बलियो बनाउने अवसर प्रदान गरेको समेत उल्लेख गर्नुभएको छ । यस्तै सोही अबसरमा राष्ट्रि«यसभाका अध्यक्ष नारायणप्रसाद दाहालले सोनाम ल्होसारले सबै जातजातिका समुदायबीच सामाजिक, सांस्कृतिक सद्भाव, भ्रातृत्व र राष्ट्रिय एकता मजबुत बनाउन भूमिका खेल्ने विश्वास व्यक्त गर्नुभएको छ ।
