संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेले हिमालको अस्तित्व जोगाउनु पर्ने चुनौती रहेको बताउनु भएको छ ।
आज काठमाडौंमा आयोजित एभरेष्ट टुरिजम अवार्ड, २०२५ को अवसरमा आयोजीत कार्यक्रमा उहाँले सो कुरा बताउनु भएको हो । उहाँले धनी मुलुकले गरिरहेको भौतिक विकासको प्रतिस्पर्धामा हामीसँग हिमाल जोगाउने चुनौती रहेको समेत बताउनु भएको छ । मन्त्री पाण्डेले हिमालको हिउँ पग्लँदै गर्दा हिमाल, पहाड र तराईमा मात्रै असर नगर्ने बताउदै यसले समुद्रसम्म र समग्र पृथ्वीमा समेत असर गर्ने समेत बताउनु भएको छ । उहाँले विश्वको पारिस्थितिक प्रणाली जोगाउन पनि हिमाल बचाउनु पर्ने आवश्यकता रहेको समेत बताउनु भएको छ । मन्त्री पाण्डेले मन्त्रालय यसका लागि सदैव तयार रहेको उल्लेख गर्दै हिमाल जोगाउन निरन्तर अघि बढ्ने प्रतिबद्धता जनाउनु भएको छ । नेपाल भौतिक र पुरातात्विक संस्कृतिले धनी रहेको बताउँदै उनले सांस्कृतिक विविधताको सदुपयोग गर्दै पर्यटकीय गतिविधि बढाउनुपर्नेमा उहाँले जोड दिनुभएको छ ।।
