दोस्रो लेगमा २-० को जित निकाल्दै रियल मड्रिडले समग्रमा बार्सिलोनालाई ५-१ पराजित गर्दै स्पानिस स्पर कपको उपाधि जितेको छ।
बिहिबार घरेलु मैदानमा भएको दोस्रो लेगमा रियललाई जिताउन मार्को असेन्सिओ र करिम बेन्जामाले एक-एक गोल गरे।
असेन्सिनोले पहिलो लेगमा पनि गोल गरेका थिए। बार्सिलोनाको मैदानमा भएको पहिलो लेग रियलले ३-१ ले जितेको थियो। उक्त खेलमा रेड कार्ड पाएका रियल मड्रिडका क्रिस्टियानो रोनाल्डोले प्रतिवन्धका कारण दोस्रो लेग खेल्न पाएनन्।
रियलको यो दशौँ स्पानिस सुपर कप उपाधि हो। स्पानिस ला लगा च्याम्पियन र कोपा डेल रे को च्याम्पियनबीच नयाँ सिजन सुरु हुनु अघि खेलिने यस प्रतियोगितामा बार्सिलोनाले सर्वाधिक १२ पटक यस उपाधि जितेको छ।
