नेपालले इमर्जिङ टिम्स कप क्रिकेटमा मंगलबार बंगलादेश यू–२३ बाट २५८ रनको लक्ष्य पाएको छ । टस जितेर पहिलो फिल्डिङ रोजेको नेपालले निर्धारित ५० ओभरको खेलमा बंगलादेशलाई २५७ मा रोक्न सफल भएको हो । नेपाली बलरले बंगलादेशीकाे ९ विकेट लिएका थिए ।
नेपालका बलर अभिनाश कर्ण बंगलादेशका प्रारम्भिक ब्याट्स्म्यानलाई सुरुवाती ओभरमै पेभेलियन फर्काउन सफल भएपछि बंगलादेशलाई नेपालले सस्तोमै समेट्न सफल भएको थियो । कर्णले ३ विकेट लिएका थिए भने सन्दीप लामिछानेले महत्वपूर्ण २ विकेट लिएर उनलाई साथ दिए । मेहबुब आलम, दीपेन्द्र एेरी र ज्ञानेन्द्र मल्लले पनि १–१ विकेट लिएका थिए ।
बंगलादेशका लागि नासिर हुसैनले अविजित १०९ रन बनाएका थिए भने अर्का ब्याट्स्म्यान मोमिनुल हकले ६१ रन बनाएका थिए ।
