काठमाडौं । स्पेनिस फुटबल क्लब बार्सिलोनाले युरोपियन च्याम्पियन्स लिग फुटबलमा उत्कृष्ट पुनरागमन गरेको छ ।
पहिलो लेगको खेलमा फ्रान्सको पेरिस सेन्ट जर्मेन पिएसजीसँग ४-० ले पराजित भएको बार्सिलोनाले बुधबार राति भएको दोस्रो लेगको खेलमा नतिजा उल्टायो ।
आफ्नै मैदानमा भएको खेल ६-१ ले जित्दै बार्सिलोना समग्रमा ६-५ को परिणाम निकाल्दै क्वाटरफाइनलमा पुगेको हो ।
रातिको खेलमा बार्सिलोनालाई विजयी गराउन नेइमारले दुई गोल गर्दा लुईस सुवारेज, लियोनल मेस्सी र सर्जी रोबेर्टोले एक–एक गोल गरे ।
बार्सिलोनाका लागि अर्को एक गोल पिएसजीका कुर्जावाले आत्माघाती स्वरुप गरेका थिए ।
च्याम्पियन्स लिगअन्तर्गत राति भएको अर्को खेलमा पोर्चुगलको बेनीफिकालाई ४-० ले हराउँदै जर्मनीको बोरुसीया डर्टमण्ड पनि क्वाटरफाइनलमा पुगेको छ ।
खेलमा डर्टमण्डलाई विजयी गराउन पिएरे एमरीक औबामायङले ह्याट्रिक गर्दा क्रिश्चियन पुलिसिचले एक गोल गरे ।
पहिलो लेगको खेलमा १-० ले पराजित भएको डर्टमण्ड दोस्रो लेगमा हात पारेको फराकिलो जितसँगै समग्रमा ४-१ को परिणामसहित क्वाटरफाइनलमा पुगेको हो ।
