नेपाल कबड्डी लिगमा हिजो भएका खेलमा जनकपुर नाइट्स र विराटनगर ब्यान्डिट्स विजयी भएका छन् ।
जनकपुर नाइट्सले बुटवलको हिमालयन रेइडर्सलाई ३५–२४ ले पराजित गर्दै विजयी शुरुवात गरेको हो । त्यसअघि हिजोको पहिलो खेलमा विराटनगर ब्यान्डिट्सले धनगढी वाइल्ड क्याट्सलाई ४६–३४ ले हराएको थियो । काठमाडौको त्रिपुरेश्वरमा रहेको राष्ट्रिय खेलकुद परिषद्को कभर्डहलमा सो खेलहरु हुँदै आएका छन् । उद्घाटन खेलमा काठमाडौ माभरिक्सले पोखरा लेकर्सलाई ४२–४१ ले हराउँदै विजयी शुरुवात गरेको थियो । एस्ट्रोनिक्स म्यानेजमेन्टको आयोजनामा भइरहेको नेपाल कबड्डी लिगमा मुख्य शहरका ६ टोली सहभागी रहेका छन् ।।
