इंग्लिस प्रिमियर लिग, ईपीएल फुटबलमा बर्नमाउथ र वेस्ट ह्यामले बराबरी खेलेका छन् ।
आज भएको खेलमा बर्नमाउथ र वेस्ट ह्यामले १–१ गोलको बराबरी खेलेका हुन् । बर्नमाउथको घरेलु मैदान भिटालिटी स्टेडियममा भएको खेलमा वेस्ट ह्यामका लुकास प्याक्युटाले खेलको ८७ औँ मिनेटमा पेनाल्टिमा शुरुवाती गोल गरे । बर्नमाउथका लागि खेलको ९० मिनेटमा इनास युनलले गोल फर्काए । ईपीएलको लिग तालिकामा ३६ अङ्क सहित लिभरपुल शीर्ष स्थानमा रहेको छ । दोस्रो स्थानमा रहेको चेल्सीको ३४ र तेस्रोमा रहेको आर्सनलको ३० अङ्क रहेको छ । यस्तै बर्नमाउथ छैटौँ स्थानमा रहदा वेस्टह्याम १४ औँ स्थानमा रहेको छ ।।
