इंग्लिस प्रिमियर लिग फुटबलमा म्यानचेस्टर युनाइटेडद्वारा लेस्टर सिटी पराजीत भएको छ ।
गएराति भएको खेलमा युनाइटेडले लेस्टरलाई ३–० गोलले पराजीत गरेको होे । युनाइटेडका लागि ब्रुनो फर्नान्डेज र अलेजान्ड्रो गर्नाचोले एक÷एक गोल गरेका थिए भने लेस्टरको आत्मघाती १ गोलसंगै युनाइटेड ११ खेलमा १५ अंक पाएर १३ औँ स्थानमा रहनु पुगेको हो । लेस्टर १५ औँ स्थानमा रहेको छ । गएराति भएको अर्को खेलमा चेल्सी र आर्सनलले १–१ गोलको बराबरी खेलेका छन् । चेल्सीका पेट्रो नेटो र आर्सनलका गाब्रियल मार्टिनेलीले गोल गरे । समान १९ अङ्ककासाथ चेल्सी तेस्रो र आर्सनल चौथो स्थानमा छन् । अर्को खेलमा न्युक्यासलले नटिङहम फरेस्टलाई ३–१ गोलले हरायो । नटिङहम १९ अङ्कसहित पाँचौँ र न्युक्याशल १८ अङ्कसहित आठौँ स्थानमा छ । अर्को खेलमा, इप स्वीच टाउनले टोटनहमलाई २–१ गोलले हरायो । टोटनहम दशौँ, इप स्वीच टाउन १७ औँ स्थानमा छ ।।
