एफसी अन्डर १७ एसियन कप छनोट अन्तर्गत नेपालले समूह चरणको पहिलो खेलमा साबिक विजेता जापानबीच प्रतिस्पर्धा गर्ने भएको छ ।
खेल कतारको दोहास्थित हमद बिन खालिफा स्टेडियमा नेपाली समय अनुसार बुधबार राति साँढे १० बजे हुने छ । नेपाल र जापान समूह ‘एफ’ मा रहेको छ । यो समूहमा होम टिम कतारसँगै मंगोलिया समेत रहेको छ । जापानले यसअघि १९९४, २००६, २०१८ र २०२३ मा गरी चारपल्ट उपाधि जितसकेको छ । २०१२ मा उपविजेता बनेको टोलीले २००८, २०१० र २०१६ मा सेमिफाइनलसम्मको यात्रा तय गरेको थियो । नेपालले गत महिना भुटानमा भएको साफ यु–१७ च्याम्पियनसिप खेलेको थियो । सेमिफाइनलमा भारतसँग ४–२ ले पराजित हुँदै प्रतियोगिताबाट बाहिरिएको नेपालले एसियन कप छनोटमा उत्कृष्ट प्रदर्शन गर्ने लक्ष्य लिएको छ ।।
