काभा यु–२० भलिबल च्याम्पियनसिपमा नेपालले दोस्रो जित हासिल गरेको छ ।
श्रीलंकाको कोलम्बोमा मंगलबार भएको खेल नेपालले माल्दिभ्स विरुद्ध ३–० को सोझो सेटमा पराजित गरेको हो । नेपालले खेल २५–५, २५–१२, २५–२० ले जित हासिल गरेको हो । यो जितसँगै नेपालले तीन खेलमा ६ अंक जोडेको छ । यसअघि नेपालले श्रीलंकालाई ३–० को सोझो सेटमा पराजित गरेको थियो । तर, उज्बेकिस्तानसँग भने ३–१ सेटमा पराजित हुन पुगेको छ । नेपालले अब बिहीबार किर्गिस्तानको सामना गर्ने कार्य तालिका रहेको छ ।।
