काभा २० वर्षमुनिको पुरुष भलिबल च्याम्पियनशिपमा नेपालले आज उज्वेकिस्तानसँग खेल्दैछ ।
श्रीलंकामा हिजोदेखि शुरू भएको प्रतियोगितामा नेपाल र उज्वेकिस्तानको खेल नेपाली समयअनुसार आज दिउँसो सवा ४ बजे शुरू हुनेछ । कोलम्बोको सुगाथादासा रङ्गशालामा आजै किर्गिस्तान र तुर्कमेनिस्तान तथा श्रीलंका र माल्दिभ्सबीच प्रतिस्पर्धा हुने भएको छ । यसअघि हिजोको उद्घाटन खेलमा नेपालले विजयी शुरुआत गरेको थियो । नेपालले घरेलु टोली श्रीलंकालाई ३–० को सोझो सेटमा हराएको थियो । आउँदो शनिवारसम्म चल्ने प्रतियोगितामा नेपालसहित आयोजक श्रीलंका, माल्दिभ्स, किर्गिस्तान, उज्वेकिस्तान र तुर्कमेनिस्तान गरी ६ वटा क्षेत्रीय टोलीले प्रतिस्पर्धा गर्नेछन् ।
