पूर्वफुटबलर तथा प्रशिक्षक गम्भीर राईको ५६ वर्षको उमेरमा निधन भएको छ ।
मधुमेहबाट पीडित राईको उपचारका क्रममा बी एन्ड सी अस्पतालमा निधन भएको झापा जिल्ला फुटबल संघका अध्यक्ष भागिरथ आलेले जानकारी दिनुभएको छ । झापाको भद्रपुर नगरपालिका–१० निवासी राईले १६ वर्षमुनि र १९ वर्षमुनिको उमेर समूहमा नेपालको तर्फबाट सहभागिता जनाउनुभएको थियो । यस्तै उहाँले न्युरोड टिम (एनआरटी), जनकपुर चुरोट फ्याक्ट्री र मनाङ मस्याङ्दी क्लबबाट पनि खेल्नुभएको थियो । झापा जिल्ला फुटबल संघका पूर्वअध्यक्षसमेत रहनुभएका गम्भीर राईले २०५६ सालमा खेलाडीका रूपमा सन्न्यास लिएपछि प्रशिक्षकका रूपमा काम शुरू गर्नुभएको थियो ।।
