स्ट्रियालाई पराजित गर्दै टर्की युरो कप २०२४ को क्वार्टरफाइनलमा प्रवेश गरेको छ ।
गएराति भएको खेलमा अस्ट्रियालाई २–१ गोल अन्तरले पराजित गर्दै टर्कीले अन्तिम ८ मा स्थान पक्का गरेको हो । अस्ट्रियामाथि जित निकाल्दा टर्की सन् २००८ पछि युरोको क्वार्टरफाइनलमा पुगेको हो । टर्कीका लागि दुवै गोल डिफेन्डर मरिह डेमीरालले गरे । खेल सुरु भएको ५७ सेकेण्डमा नै डेमीरालको गोलमा टर्कीले रोमाञ्चक अग्रता बनाएको थियो। खेलको ५९ औँ मिनेटमा डेमीरालले नै टोलीको अग्रता दोब्बर पारे । पहिलो हाफमा उत्कृष्ट खेल पस्कन नसकेको अस्ट्रियाले दोस्रो हाफमा केही सुधारिएको प्रर्दशन गरेपनि गोलका लागि सर्घष गर्नुपरेको थियो । खेलको ६६ औँ मिनेटमा अस्ट्रियाले गोल फर्काउँदै गोल अन्तर कम गरेपनि टोलीको हार टार्न सकेनन । अब टर्कीले अब क्वार्टरफाइनलमा नेदरल्यान्ड्सविरुद्ध खेल्नेछ । यसैबीच, गएराति नै भएको खेलमा नेदरल्यान्ड्सले रोमानियालाई ३–० को फराकिलो अन्तरले हराउँदै अन्तिम ८ मा स्थान पक्का गरेको छ । क्वार्टरफाइनलमा स्पेन र जर्मनी, इंग्ल्यान्ड र स्विटजरल्यान्ड तथा फ्रान्स र पोर्चुगल भिड्नेछन्। क्वार्टरफाइनलका खेलहरु शुक्रबार र शनिबार हुनेछ ।।
