इन्डियन प्रिमियर लिग आईपीएल टी–२० क्रिकेटको १७ औँ संस्करणमा आज दुई खेल हुदै छ ।
सो प्रतियोगिताको पहिलो खेलमा राजस्थान रोयल्स र चेन्नई सुपर किङ्सबिच हुने कार्यक्रम तय भएको छ । उक्त खेल दिउँसो ३ः४५ बजे चेन्नईस्थित एमए चिदम्बर स्टेडियममा सुरु हुदै छ । आजै दोस्रो खेल रायल च्यालेन्जर्स बैंगलुरु र दिल्ली क्यापिटल्सबिच खेलिने छ । उक्त खेल बैंगलुरुस्थित एक चिन्नास्वामी स्टेडियममा बेलुका ७ः४५ बजे सुरु हुनेछ । राजस्थान रोयल्स र चेन्नई सुपर किङ्सबिचको खेल त अझ रोमाञ्चक हुने अनुमान गरिएको छ । हाल राजस्थान रोयल्स १६ अंकसहित तालिकाको पहिलो स्थानमा आसिन छ । चेन्नई सुपर किङ्स भने १२ अंकसहित तालिकाको चौथो स्थानमा छ । जारी सिजनको आईपीएलमा राजस्थानले १२ औं र चेन्नईले १३ औँ खेल खेल्न लागेका हुन् । राजस्थानले यसअघि खेलिएको ११ मध्ये आठ खेलमा जित र तीन खेलमा हारको नतिजा निकालेको छ । चेन्नईले भने यसअघि खेलिएको १२ मध्ये ६ खेलमा जित र ६ खेलमा हारको नतिजा निकालेको छ । आजको खेल यी दुवै टोलीका लागि निकै महत्वपूर्ण मानिएको छ ।।
