काठमाडौं/
जयकुमार नाथ शाह मेमोरियल यु–१६ ट्वान्टी २० अन्तर स्कुल क्रिकेट प्रतियोगिता आगामी बैंशाख १९ गतेदेखि सुरु हुने भएको छ ।
आयोजक काठमाडौं जिल्ला क्रिकट संघले सोमबार काठमाडौंमा पत्रकार सम्मेलन गर्र्दै बैशाख १९ देखि ३० गतेसम्म प्रतियोगीता हुने जनाएको हो ।
प्रतियोगितामा १६ टिमले प्रतिस्पर्धा गर्नेछन् । लिगकम नकआउटका आधारमा हुने प्रतियोगितामा सहभागी टिमलाई चार समूहमा विभाजन गरिएको छ ।
प्रतियोगीताको बिजेता टीमलाई १ लाख ५० हजार, उपबिजेता टोलीलाई ७५ हजार प्रदान गरिने काठमाडौं जिल्ला क्रिकेट संघका सचिव किरण सम्शेर जवराले जानकारी दिनुभयो । मुलपानीको तल्लो मैदानमा कुल २७ खेल हुने र उत्कृष्ट व्याटर, बलर, इमर्जिङ प्लेयरका साथै उत्कृष्ट खेलाडीलाई पनि पुरस्कारको व्यवस्था गरिएको उहाले बताउनुभयो ।
नेपाल क्रिकेट संघ (क्यान) का पूर्वअध्यक्ष जयकुमार नाथ शाहको नाममा उक्त प्रतियोगिता आयोजना गरिन लागिएको हो । प्रतियोगीताको कुल अनुमानीत खर्च १५ लाख २६ हजार रहेको आयोजकले जनाएको छ ।
