कीर्तिपुर/
चार विकेटले नेपाललाई हराउँदै त्रिकोणात्मक टी–२० क्रिकेट सिरिजको उपाधि नेदरल्याण्ड्सले जितेको छ।
आज भएको फाइनल खेलमा नेपाललाई चार विकेटले हराउँदै नेदरल्याण्ड्सले उपाधि उचालेको हो। जितका लागि नेपालले दिएको १८५ रनको लक्ष्य नेदरल्याण्ड्सले १९ ओभरमा ६ विकेट गुमाएर भेटायो।
नेदरल्याण्ड्सको जितमा माइकल लभिटले ५४ तथा साइब्राण्ड एङ्गलब्रेजले ४८ रनको योगदान गरे। विक्रमजित सिंहले २९ तथा अर्का ओपनर म्याक्स ओ डाउटले २२ रन जोडे। बलिङतर्फ कुशल मल्लले सर्वाधिक ४ विकेट लिए।
अविनाश बोहरा र दीपेन्द्रसिंह ऐरीले एक÷एक विकेट हात पारे। त्यसअघि त्रिवि क्रिकेट मैदान कीर्तिपुरमा टस जितेर शुरुवाती ब्याटिङ थालेको नेपालले निर्धारित २० ओभरमा ८ विकेट गुमाउँदै १८४ रन बनाएको थियो।
