काठमाडौं । यु–१९ एसिया कपका लागि बंगलादेश भ्रमणमा निस्केको नेपाली युवा टोलीले आज अफगानिस्तानविरुद्ध खेल्नेछ ।
पहिलो खेलमा भारतसँग १ सय ७१ रनले पराजित भएको नेपाली टोलीलाई अघिल्लो चरण पुग्ने सम्भावना कायम राख्न अफगानिस्तानलाई पराजित गर्नुपर्छ । तर पछिल्लो पाँच खेलमा अफगानिस्तानविरुद्ध नेपालको नतिजा राम्रो छैन । सबै खेलमा नेपाल पराजित भएको छ ।
समूम ए मा दुई खेलबाट ४ अंक जोडेको भारत शीर्ष स्थानमा छ भने अफगानिस्तानले २ अंक जोडेको छ । नेपाल र युनाइटेड अबर इमिरेट्स (युएई)ले कुनै अंक जोड्न सकेको छैन । अफगानिस्तानले पहिलो खेलमा युएईलाई ५ विकेटले पराजित गरेको थियो ।
समूह बी मा श्रीलंका ४ अंकका साथ शीर्ष स्थानमा छ भने पाकिस्तान २ अंकका साथ दोस्रो स्थानमा छ । बंगलादेश र हङकङले अंक जोड्न सकेको छैन । आजै पाकिस्तान र बंगलादेशले पनि प्रतिस्पर्धा गर्दैछन् ।
