शुक्रवार चुनावी भाषाण दिने क्रममा हत्या भएका पूर्व प्रधानमन्त्री शिन्जो आबेको शब करिब हजार भन्दा बढी श्रद्धालुहरुका बिच मंगलबार अन्त्यष्टि गरिएको छ | यि व्यक्तिहरु धुप बालेर शान्तिको कामना गरेका थिए |
२ सयभन्दा बढी व्यक्तिहरुले आबेको चिर शान्तिको लागि बौद्ध धर्म परम्परा अनुसार पूजा तथा प्रार्थना गरेका बिभिन्न संचार माध्यमहरुले जनाएको छ ।
त्यस्तै जापानी तथा विदेशी विशिष्ट व्यक्तित्वहरु पनि श्रद्धाञ्जली अर्पण गर्न भेला भएका थिए।
प्रधानमन्त्री किशिदा फुमियो, पूर्वप्रधानमन्त्री मोरी योशिरो, जापान ब्यापार महासंघका अध्यक्ष तोकुरा मासाकाजु र ताइवानका उपराष्ट्रपति लाई चिङ-ते सहभागी थिए ।
जापानको मुख्य सत्तारुढ लिबरल डेमोक्र्याटिक पार्टी एलडीपीका उपाध्यक्ष आसो तारोले आबे प्रशासनमा लामो समय उपप्रधानमन्त्रीको रूपमा काम गरे। उनले आफु र आबेले जापानका लागि के राम्रो छ भन्ने बारेमा गहिरोसँग अधययन गरेको बताए ।
उनले भने “आबेले देशको अन्तर्राष्ट्रिय प्रोफाइल बढाउन मद्दत गरेको र उनलाई युद्धपछिको जापानमा सबैभन्दा ठूलो राजनीतिज्ञको रूपमा वर्णन गरे।
उनले थपे “आबेले स्वर्गमा आफ्ना उपलब्धिहरू गर्वका साथ आफ्ना बुबा सिन्तारो, पूर्व विदेश मन्त्रीलाई र आफ्ना हजुरबुबा, पूर्व प्रधानमन्त्री किशी नोबुसुकेसँग राजनीति कुरा गर्न सक्छन्।
, "म ढिलो वा चाँडो त्यहाँ हुनेछु, त्यही भेटौंला।"
आबेकी श्रीमती अकीले भनिन “यो अझै पनि सपना देखेको जस्तो लाग्छ। श्रीमान्का कारण धेरै कुरा अनुभव गर्न पाएको बताइन् । उनले थपिन् “उनका श्रीमानको योजनाहरु अझै अधूरो छ, तर उनले छरेको बीउ पक्कै पलाउछ।”
अन्त्यष्टी मन्दिर पेरिसरमा अकीले गाउँदै आबेले पियानो बजाईरहोको भिडियोहरू, दम्पतीले टेबल टेनिस खेलिरहेका र उनीहरूका युवा दिनका तस्बिरहरू, प्रदर्शनीमा राखिएको थियो ।
