जापान ।
एनआरएनए जापानको १०औं अधिबेशनले पहिलो पटक महिला सहित ३ जनाको निर्वाचन कमिटि गठन गरेको छ । जसमा निर्वाचन संयोजकमा डा.नेत्र प्रसाद भण्डारी, सदस्यमा गृष्मा पौड्याल (महिला ) र ऋषभ पौडेल चयन भएका छन ।
यस अघिको निर्वाचन कमिटिमा महिलालाई आवद्ध गरिएको थिएन । विगत तीन दशकदेखी जापानमा स्थाइ बसोबास गर्दै आउनु भएकी पौड्याल बिभिन्न संघसंस्थामा सक्रिय हुनुहुन्छ ।
उहाले दाइगाकु इन्टर्नेशनल ल्यांगवेज एकेडेमि टोकियोमा लेक्चरर रुपमा अध्यापन गर्दै आउनु भएको छ ।
अन्तर्राष्ट्रिय नेपाली साहित्य संगठन ( अनेसास)को अभिभावकको रुपमा रहेको अनेसास बोर्ड अफ ट्रस्ट्रीकी पनि सदस्य हुनु हुन्छ।
यसको मुख्य कार्यालय अमेरिकाको वासिंटन डिसीमा अबस्थित छ ।
त्यस्तै संयोजक डा.भण्डारीलाई यस अघि पनि निर्वाचन प्रमुखको जिम्मेवारी निभाउनु भएको थियो ।
उहाले सो अधिबेशन सफलताका साथ सम्पन्न गर्नु भएको थियो ।
डा.भण्डारी एहिमे युनिर्भसिटीमा अध्यापन गर्दै आउनु भएको छ भने अर्का सदस्य ऋषभ पौडेल प्यासेफिक इन्जिनियरिङ्ग कर्पोरेशन गिफुमा रिसर्चरको रुपमा रहनु भएको छ ।
एनआरएनए जापानको निर्वाचन आगामी २५ मा हुँदैछ ।
