टोक्यो / जापान
अक्टोवर १५ देखि १७ तारिख सम्म काठमाण्डौमा हुन गैरहेको गैर आवासीय नेपाली संघको नवौँ महाधिवेशन नजिकिदै जादा उमेदवारहरुले प्रचार - प्रसारलाई तिब्रता दिएका छन्। महाधिवेशनमा कोषाध्यक्ष पदमा उमेदवारी दिएका महेश श्रेष्ठले आफु अत्याधिक मतले विजय हुने दावी गरेका छन्।
“गैर आवासीय श्रमिक कल्याण कोष” को स्थापना गरी उक्त कोषमा वार्षिक ८ करोड जम्मा गर्दै जाने ठोस योजना सहित “मितव्ययिता र पारदर्शिता, आजको आवस्यकता “ भन्ने मूल नारा लिएर गैरआवासीय नेपाली संघको आर्थिक स्थायित्व ( Financial Sustainability ) लाई जोड दिदै संघको नवौँ महाधिवेशनमा कोषाध्यक्ष पदमा उम्मेदवारी दिने निर्णय गरेको बताएका छन्।
विगत १४ वर्ष अघि देखि नै गैरआवासीय नेपाली संघको विभिन्न निकायहरुमा रहि काम गरिसकेको एनआरएनएको एउटा जिम्मेवार सदस्यको नाताले यस संघलाई आर्थिक रुपमा दिगो, पारदर्शी, उत्तरदायी पूर्ण एवं सम्पूर्ण गैर आवासीय नेपालीहरुको साझा संगठनको रुपमा विकास गर्दै संघको अभियानलाई थपअगाडि बढाउन नेतृत्व तहमा बसेर काम गर्न सक्छु भन्ने पूर्ण विश्वास लिएको उनको भनाई छ।
विगत लामो समय देखि आर्थिक क्षेत्रमा काम गरेको मेरो अनुभवलाई सही रुपमा उपयोग गर्न सकिने कोषाध्यक्ष पद नै भएकोले यस गरिमामय पदका लागि आफु योग्य भएको बताउदै श्रेष्ठले १० वुँदे प्रतिवद्धता समेत जारी गरेका छन्।
