जापानभरिनै तिज धमका हुदैं

विस्वास आचार्य / निशान राना

जापानको विभिन्न शहरमा हिन्दु नारीहरुको महान चाड हरितालिका तिजलाई लक्षित गर्दै तीज धमाका” कार्यक्रम हुने भएको छ। गत वर्षहरु जस्तै जापानमा रहेका नेपाली संघसंस्थाहरुले कार्यक्रमको आयोजना गरेका हुन्।

नवलपरासी समाजले अगष्ठ २६ तारिक टोकियोको नाकानो जिरो हलमा तिज कार्यक्रम गर्ने भएको छ। उक्त तिज कार्यक्रममा नेपालका लोक तथा दोहोरी गायिकाहरु सम्झना लामिछाने मगर ,सुनिता दुलाल सगै जापानमा रहेर संगित क्षेत्रमा निरन्तर लागिपरेका कलाकारहरू गायक सुर्य खड्का ,गायक सुशील ज्ञवाली,गायक चेतन घर्ती ,गायक समुन्द्र राज पौडेल ,गायिका सोना के.सी,निशा क्षेत्रीको प्रस्तुति रहने वताईएको छ ।

कार्यक्रमलाई भव्य र व्यवस्थित बनाउनका लागी बिभिन्न उपसमितिहरु बनाईएको छ ।कार्यक्रमको तयारी ७० % पुरा भई सकेको नवलपरासी समाज जापानका सचिव ऋषिराम पौडेलले जानकारी दिनुभयो ।कार्यक्रम भब्य एवं सभ्य बनाउन लागिपरिएको नवलपरासी समाज जापानका अध्यक्ष गोपाल कँडेलले बताउनुभयो ।

टोक्योमा छरीएर रहेका सम्पूर्ण नेपाली दाजुभाई दिदि बहिनिहरुलाई कार्यक्रममा उपस्थीत भई कार्यक्रम सफल पारिदिन कार्यक्रम संयोजक गिता कंडेल अनुरोध छ।

त्यसै गरि नेपाली नारीहरुको महान पर्ब हरितालिका तिजको अवसरमा स्याङ्ग्जा समाज जापानले जापानका दुई ठुला शहर नागोया र तोकियोमा “तीज धमाका २०१९ नामक ” तीज कार्यक्रम गर्ने भएको छ । कार्यक्रम नागोयामा नागोया स्थित नागोया कोकुसाइ सेन्टेरमा आगामी अगस्ट ३१ तारिक शनिबार दिउसो २:३० देखी २०:३० बजे हुने छ भने टोकियोमा सेक्टेम्बर १ मा टोकियो स्थित होकुतोपिया चुचुजी हलमा साँझ ६ :०० देखी २२:०० बजे सम्म हुने भएको छ ।

बिगत केही बर्ष यता जापानको बिभिन्न शहरमा नेपालका ख्याती प्राप्त कलाकारहरुलाई आमन्त्रित गरी जापानमा रहेका नेपालीहरुलाई तीजको मनोरन्जन प्रदान गर्दै अाईरहेका यस समाजले यस बर्ष पनि जापानबासी नेपाली समुदायहरुको तीजमा मनोरंजन दिन तथा संस्कृतिको जर्गेना गर्नको लागि नेपाली लोकदोहोरी क्षेत्रका बरिष्ठ सर्जक तथा लोक दोहोरी गायक शिव हमाल र चर्चित लोक दोहोरी गयिका शान्ता परियार जापान आउने भएका छन् । नागोयाको लागि भने जापान मै कर्म थलो बनाएका मिठो स्वको धनी चर्चित लोक दोहोरी गायक सुर्य खड्काको पनि थप प्रस्तुती रहने छ । समाजले यस कार्यक्रम मनोरन्जनका लागि मात्र नभई अाकस्मित रुपमा भैइपरी आउने दैबिक प्रकोप लगायत बिबिध आपत बिपतमा परेकाहरुको उद्दारको लागि “आपतकालीन राहत कोष स्वरुप “ गर्न लागिएको कार्यक्रम भएकोले पनि सम्पूर्ण जापानबासी नेपालीहरुलाई मनोरन्जन लिनु हुनको लागि आयोजकले अनुरोध गरेको छ ।

जापानमा रहेका अन्य संघसंस्थाहरुले पनि छिट्टै निज कार्यक्रमको मिति र स्थान तोक्ने वुझिएको छ।