टोकियो – विश्वका सबैभन्दा बढि उमेरका नागरिकको ११३ वर्षको उमेरमा निधन भएको छ । ११३ वर्षीय जापानी नागरिक मासाजो नोनाकाको मृत्यु हिजो आइतबार ओशोरेस्थित उनकै घरमा भएको हो ।
सन् १९०५ मा उनको जन्म भएको थियो । गिनिज बुक अफ बर्ल्ड रेकर्डका अनुसार गत वर्ष स्पेनका नागरिक फ्रान्सीस्को नुनेज ओलिभेराको निधन भएपछि उनी संसारकै सबैभन्दा जेष्ठ नागरिक बनेका थिए ।
सन् २०१८ मा ११२ वर्ष २५९ दिन पूरा भएपछि उनलाई गिनिज बुक अफ बर्ल्ड रेकर्डले विश्वभरीका जिवित मानिसहरु मध्ये सबैभन्दा जेष्ठ नागरिकको प्रमाणपत्र दिएको थियो ।
“हिजोसम्म वहाँ ठीकै हुनुहुन्थ्यो, एक्कसीको निधनले हामीलाई दुखी तुल्याएको छ ।” उनकी नातिनी युकोले क्योदो न्यूजसंग बताइन ।
नोनाकाका ६ जना दाजुभाई तथा एक बहिनी छिन् । १९३१ मा विहे गरेका उनका ५ सन्तानहरु छन् ।
जापानमा धेरै नागरिकहरु लामो उमेर बाँच्ने गर्दछन् । सरकारी श्रोतले गतबर्ष दिएको आँकडा अनुसार झण्डै ६८ हजार जापानी नागरिकहरु एक सय वर्ष भन्दा बढी उमेरका छन् ।
