टोकियो । सिन्धुली जिल्लाको लाम्पनडाडा गाबिस ५ घर भइ टोकियोको इपिएस कलेजमा अध्ययरत रमेश तामाङ्को पोस्टमटम र नेपाल पठाउन आर्थीक सहयोगको अपिल गरेको छ ।
तामाङ समाज जापानले मंगल्वार एक बिज्ञप्ती निकालेर सहयोगको सबैमा अपिल गरेको छ । तामाङ समाज जापान का अध्यक्ष कर्मा लामाद्वारा हस्ताक्षर गरी समाजको जेपी बैंकको खाना नम्बर १०११०-७८७६३५११ मा सहयोग रकम जम्मा गरिदिनु हुन तामाङ समाज जापानले सबै जापानवासी नेपालिहरुलाई अनुरोध गरेको छ ।
दुई वर्ष अघि अध्ययनको लागि जापान आई ईकेबुकुरो बस्ने सिन्धुलीको तामाङको सोमवार विहान स्थानीय समय अनुसार ६ वजेर ३० मिनेटमा मृत्यु भएको थियो ।
उच्च रक्तचापको कारण टोकियोमा २२ वर्षिय तामाङको उपचारको क्रममा नागासिओ अस्पतालमा निधन भएको थियो ।
स्वर्गिय तामाङको परिवारिक अवस्था नाजुक रहेको बिज्ञप्ती मा जनाएको छ ।
तस्विर स्रोत : टप नेपाल न्युज डट कम
