विगत २८ वर्ष पहिले स्थापना भएको थकाली समाज जापानको बार्बेक्यु भव्यताको साथ सम्पन्न भएको छ ।
स्थापनाकालको २ वर्षपछी सुरुवात गरेको यस समर पिकनिकले अहिलेसम्म २६ वर्षको ईतिहास बोकेको यस जापानिज शैलीको पिकनिक निरन्तरता दिन सफल भएको छ ।
गतसाल जापानी र नेपाली गरी ३८० जना सहभागी भए पनि यो साल भने ३५० जना सहभागी भएको समाजका अध्यक्ष बुद्दी गौचनले एबरेष्ट फुजिन्युज डट कमलाई जानकारी दिनु भयो ।
जापानमा नेपालीहरुको जनघनत्व बढे लगत्तै बार्बेक्यु गर्ने प्रचलन पनि बढेको छ ।
गतसाल समाजको बार्बेक्युसँग एकै दिनमा पर्वत समाज, र एमालेको भात्री संगठनसँग ३ ठाउमा जुधेको थियो भने यो साल पनि पुन क्लब , र लम्जुङ समाज, जापानसँग वार्बेक्यु ३ ठाउमा र अन्य कार्यक्रम समेत गरी ५,६ वटा कार्यक्रम जुधेको भयता पनि सहभागीहरु उल्लेखनिय रुपमा उपस्थिती रहेको थियो ।
आफ्नो समाजको वार्षिक क्यालेन्डर अनुसार नियमित गर्न सफल भएको यस कार्यक्रममा उल्लेख्निय उपस्थिती हुनुको कारण सदियौ देखी राख्दै आएको मैत्रीभाव र अन्य समाजको भन्दा विषेश हुने भएकोले पनि सहभागी बढी हुने गरेको पर्यवक्षकहरु बताउछन । यो पटक पनि पर्वत समाज र थ से स जापानको वार्बेक्यु जुधेको हुनाले अघिलो हप्ताको आईतवार सम्पन्न गरेको पर्वत समाजका महासचिव जनक सुबेदिले बताउनु भयो ।
खुल्ला अाकाश मुनी काँचो मासु पोलेर खाने प्रचलन सङ्गै सलाद लगायत अन्य पेय पदार्थ पनि उपलब्ध हुने यस पिकनिकमा नेपालदेखी भ्रमणमा आएका आफन्तजन र जापानमै निकै समयसम्म भेट्घाट नभएका साथीहरु तथा आफन्तजनहरु सँग भेट हुने तथा एकआपसमा दु:खसुखका भलाकुसारी गर्ने एक स्वर्णिम अवसर हो ।
यो पिक्निक कार्यक्रम वाहेक केही नौलो काम समाजले गर्न सक्दैन र ? को जवाफमा समाजका अगुवाहरुले कुनै पनि समाज सन्चालन गर्न आर्थिक पक्ष बलियो हुनु पर्ने भएकोले बार्बेक्युलाई निरन्तरता दिएको बताउदै समाजले थकाली र पुर्ख्यौली मुस्ताङ बाहेक नेपालको विभिन्न भागमा विभिन्न शिर्षकमा सहयोग गर्दै आएको थ से स जापानले जनाएको छ ।
