नेपाल फेस्टिबलको बूकिङ तिब्र, नयाँ ठाउँ भएकोले दर्शकहरुको जिज्ञासा बढ्दो -

गैर आवासिय नेपाली संघ जापानको वार्षिक क्यालेन्डर अनुसारको नेपाल फेस्टिबलको व्यापारीक प्रयोजनको स्टल ७०% बूकिङ भईसकेके र अन्य  व्यापारीक हाउस र कर्पोर्टेड हाउसबाट पनि बूकिङ फुरिकोमी ( डिपोजिट ) तिब्र रुपले भैरहेको एनआरएन जापानले जनाएको छ ।

   

सधैं झै उएनो पार्क ,योयोगी र हाराजुकु पार्कमा गर्दै आएको नेपाल फेस्टिबल यस पटक भने नयाँ ठाउमा गर्ने भएकोले नेपाली दर्शकको लागि चासोको बिषय भनेको छ ।

टोक्यो, तो, सेतागावा कु अन्तर्गत पर्ने प्रसिद्ध ओलिम्पिक कोमाजावा पार्कमा जापान लगायत अन्य देशको राष्ट्रिय अन्तरराष्ट्रिय खेल प्रतियोगिता हुने महत्वपूर्ण विभिन्न हरियाली खेल मैदानका भएको ठाउँ हो । साथमा अन्तरराष्ट्रिय ग़ैर आवासीय समन्वय परिषद आइ सि सि का अध्यक्ष भवन भट्टको निवास पनि यही क्षेत्रमा पर्दछ ।

गत बुधवार संघले पत्रकार सम्मेलन गरी बूकिङ सुरुवात गरेको स्टल अब केही दिनमै सकिने भएकोले इच्छुक व्यापारिक हाउसले यथाशिघ्र संघमा संपर्क गर्न पनि जापानवासी नेपालीहरुलाई आग्रह गरेको छ ।

आगामी अगष्ट २५ र २६ तारिकमा टोकियोमा आयोजना हुन लागेको नेपाल फेष्टिवलमा सहभागिता जनाउन ईच्छुक कम्पनी तथा संघसस्थाहरुका लागि स्टल बुकिङ खुल्ला गरिएको भए पनि करिब ७०% बूकिङ भइसकेको प्रवक्ता पर्शुराम बस्नेतले एबरेष्ट फुजी न्युज डट कमलाई जानकारी दिनु भयो ।

फेष्टिवल मुल आयोजक समितिका संयोजक देवीलाल भण्डारीका अनुसार व्यवसायीक कम्पनी तर्फ २५ र नेपाली खानाका २० स्टलका लागि अग्रीम बुकिङग खुल्ला गरिएको जानकारी दिएका थिए।

आयोजक गैरआवासीय नेपाली संघ एनआरएनए जापानको टोकियो ओकुबो स्थित कार्यालयमा अपरान्ह दुई बजेदेखि पाँच बजेसम्म स्टल बुकिङ गर्न सकिने एनआरएनए जापाले जनाएको छ । गैरआवासीय नेपाली संघ एनआरएनए जापानको टोकियो स्थित कार्यालय ओकुवोमा भएको पत्रकार सम्मेलनमा एनआरएनए अध्यक्ष टासी वाङदी लामाले पार्क व्यवस्थापन सहित स्टल निमार्णका लागि निमार्ण कम्पनीहरुसंग सम्झौता गरिएको जानकारी दिदै जापानीहरुमा आवश्यक प्रचारप्रसार, पार्क सुरक्षा तथा सरसफाई लगायतका कार्यका लागि पनि तयारी गरिएको उल्लेख गरे ।

नेपाल आइडलका चार प्रतिनिधिले फेष्टिवलमा धुम मच्चाउने-

११ औँ नेपाल फेष्टिवलको मुख्य आकर्षणका रुपमा यस पटक पहिलो नेपाल आईडलका विजेताहरु बुद्ध लामा, प्रताप दास,निशान भट्टराई र कार्यक्रम उद्घोषक सुशिल नेपाल पनि फेस्टिबलमा सहभागी हुने भएकोले थप आकर्षक हुने आयोजकको दावी छ ।

जापानीहरुलाई नेपाली खाना तथा पर्यटन प्रर्वद्धनका कार्यक्रमसंगै नेपालमा पर्यटन प्रर्वर्द्वनमा सहभागी भएका जापानीहरुको पनि उल्लेखनीय सहभागीता हुने आँकलन गरिएको छ।