ईतिहासबिद तथा राजनीतिक बिश्लेसक डा.सुरेन्द्र् केसी सँग ओसाकामा अन्तर्कृया सम्पन्न

ओशाका, जापान। एन.आर.एन कान्साइले वरिष्ठ प्राध्यापक ईतिहास बिद तथा राजनीतिक बिश्लेसक डा.सुरेन्द्र् केसी सँग अन्तर्कृया तथा नयाँ बर्ष २०७५ शुभकामना आदान प्रदान कार्यक्रम सम्पन्न गरेको छ। ओसाकाको आबेनो सिमिन गाकुस्यु सेन्टर तेन्नोजी (आबेनो बेरुता३तला)एन.आर.एन कान्साइले आयोजना गरेको कार्यक्रममा देशको वर्तमान राजनीतिक अवस्था र आगामी भबिस्यको बिषयमा अन्तर्कृया भएको थियो जसमा डा.केसी ले नेपालको एतिहासिक, आर्थिक, धार्मिक, सान्स्कृतिक लगायतको बिबिध बिषयमा आफ्नो बिचार राख्नु भएको थियो । समाज सेबी सुनिल केसीको पहलमा जापान आउनु भएका डा.सुरेन्द्र् केसीलाई कार्यक्रममा एन.आर.एन कान्साइका कार्यबहाक संयोजक प्रेम प्रसाद कंडेल र सुनिल केसिले पुष्प गुच्छाले स्वागत गर्नु भएको थियो । ओसाकामा रहेका बिभिन्न संघ संस्थाका प्रतिनिधिहरुको साथमा अन्य जनमानस हरुको उपस्थिती रहेको उक्त कार्यक्रमलाई कार्यक्रमका राष्ट्रिय संयोजक तथा एन.आर.एन जापानका सल्हाकार नरेन्द्र बस्नेत दिनेशले सहजीकरण गर्नु भएको थियो।ओसाकामा आयोजना भएको ज्ञानबर्दक कार्यक्रमले धरैलाई उत्प्ररित गरेको कार्यक्रमका राष्ट्रिय संयोजक मध्येका महेश कटवालले बताउनु भयो। झन्डै २ घण्टा २० मिनेट सम्म चलेको कार्यक्रममा डा.केसीले सहभागीहरुले राख्नु भएका बिबिध जिज्ञासाको तथ्य परक जबाफ दिनु भएको थियो ।