प्रेमिला गौचन, टोकियो । जापानमा पहिलो पटक हुन गई रहेको सुन्दरी प्रतियोगिताको पत्रकार सम्मेलन गरेको छ । सिन्जो कर्पोरेशन मुख्य आयोजक रहेको यस कार्यक्रममा पहिलो छनौटमा ३६ प्रतियोगी सफल भएको आयोजकले जनाएको छ ।
प्रतियोगिताको कोरियोग्राफरको लागि नेपालबाट प्रिया रानी लामा जापान आएकी छन । नेपाल १ मा टिभी जर्नालिस्ट समेत रहेकी लामाले बिभिन्न चरणमा प्रतियोगीहरु छनौट गरिने बताइन भने सह -आयोजक डेस्टिनीका अशिम बस्नेतले पुरस्कार राशिको विवरण पेश गरेका थिए त्यस्तै अन्जान सुबेदिले अनलाइन भोटिङ सिस्टमको बारेमा व्याख्या गरेका थिए ।
सुश्री तथा श्रीमती सुन्दरी प्रतियोगिताका आयोजक उत्तम श्रेष्ठले नेपाली महिलाहरुको लुकेको प्रतिभा प्रस्फुटनको लागि यो कार्यक्रम गरिएको बताएका छन ।
प्रथम राशिको पुरस्कार १ लाख ५० हजारको हुनेछ भने त्यस पछी क्रमश: रहनेछ । दर्शकको लागि अनलाइन टिकट बूकिङ सिस्टम र सभाहलको प्रवेश द्वारमा पनि खरिद गर्न सकिने आयोजकले जनाएको छ ।
सम्मेलनमा पत्रकार महासंघ जापान शाखा , प्रायोजक तथा अन्य व्यक्तित्वहरुको बाक्लो जमघट थियो । अन्तिम प्रतियोगिता फेब्रुअरी १८ मा टोकियो स्थित ओयामा ग्रीन हलको सभाकक्षमा साँझ ६ बजेबाट सुरु हुनेछ ।
