काठमाडौं /
भारतको महाराष्ट्रको जलगाउँ जिल्लामा भएको रेल दुर्घटना हुदाँ १३ जनाको मृत्यु भएको छ भने सात जना घाईते भएको भारतीय सञ्चारमाध्यामले जनाएको छ ।
सो रेल दुर्घटनामा परि मृतकमध्ये ४ जना नेपाली रहेको भारतीय सञ्चार माध्यमहरुले जनाएको छ । मृत्यु हुनेमा नेपाली नागरिक लछिराम पासी, इम्तियाज अली, बाबु खान र हिमु विश्वकर्मालगायत रहेको भारतीय मिडियाले जनाएको छ । सो रेलमा आगलागीको हल्ला गरेकै कारण केही यात्रु रेलबाट ओर्लेर ट्र¥याकमा उत्रिएको र विपरीत दिशाबाट आइरहेको अर्को रेलले ठक्कर दिँदा सो दुर्घटना भएको बताइएको छ । पुष्पक एक्सप्रेस रेल अनियमित रूपमा रोकिएपछि सो दुर्घटना भएको बताइएको छ । आगो लागेको हल्लाले त्रसित यात्रुहरूले रेलको चेन तानेर रेल रोकेर यात्रुहरू ट्र¥याकमा उत्रिएपछि उनीहरूलाई कर्नाटक एक्सप्रेसले ठक्कर दिएको बताइएको छ । टाइम्स अफ इन्डियाका अनुसार, दुर्घटना माहीजी र पार्धाडे स्टेशनको बीचमा भएको थियो, जुन मुम्बईदेखि ४०० किलोमिटर टाढा पचोराको नजिक पर्छ । लखनउ–मुम्बई चल्ने पुष्पक एक्सप्रेस अचानक रोकिएपछि यात्रुहरूले रेलबाट हाम फालेको बताइएको छ । रेलवे विभागले घटनाको गहिरो अनुसन्धान सुरु गरिसकेको बताइएको छ । घटनास्थलमा स्थानीय प्रशासन र आपतकालीन टोलीले उद्धार कार्य सम्पन्न गरेका छन् । घाइतेहरूको स्थानीय अस्पतालमा उपचार भइरहेको छ । रेलवेले मृतक परिवारलाई क्षतिपूर्ति दिने घोषणा समेत गरेको छ ।।
