भारतीय सञ्चारमाध्याम/
भारतीय राज्य उत्तर प्रदेशको राजधानी लखनउस्थित एक होटलमा बुधबार आमा र उनका चार छोरी हत्या गरिएको अवस्थामा फेला परेको भारतीय सञ्चारमाध्यामले जनाएको छ ।
भारतीय सञ्चारमाध्यमका अनुसार लखनउस्थित होटल शरणजीतमा अरशद नामका युवकले आमा र चार बहिनीको हत्या गरेको अनुमान गर्दै समाचार सर्वाजनिक गरिएको छ । प्रहरीका अनुसार २४ वर्षका अरशदले ९ वर्षीया आलिया, १९ वर्षीया अल्सिया, १६ वर्षीया अक्सा र १८ वर्षीया रहमिन सहित आफ्नी आमाको हत्या गरेको जनाएको छ । अरशदलाई प्रहरीले पक्राउ गरि प्रारम्भिक सोधपुछबाट उनले पारिवारिक कलहका कारण हत्या गरेको बताएको जनाइएको छ । तर वास्तविकताबारे थप अनुसन्धान भइरहेको प्रहरीले जनाएको छ ।।
