राष्ट्रपति रामचन्द्र पौडेलले अमेरिकाका पूर्वराष्ट्रपति जिमी कार्टरको निधनमा शोक प्रकट गर्नुभएको छ ।
सोमवार शोक सन्देश जारी गर्दै राष्ट्रपति पौडेलले नोबेल पुरस्कार विजेता पूर्वराष्ट्रपति कार्टरको निधनले दुःखी भएको बताउनु भएको छ । राष्ट्रपति पौडेलले कार्टरले शान्ति, मानव अधिकार र परोपकारको क्षेत्रमा पु¥याएको योगदान विश्वकै लागि प्रेरणा भएको समेत सो शोक सन्देशमा उल्लेख गर्नुभएको छ । उहाँले शोकसन्तप्त परिवार र अमेरिका जनताप्रति समवेदना प्रकट गर्नुभएको छ । कार्टरले नेपालको शान्ति प्रक्रियासँगै मानव अधिकार, तथा गरिबी निवारणका क्षेत्रमा पु¥याउनुभएको योगदान सधैं प्रेरणादायी रहने बताउदै सभामुख घिमिरेले नेपालको शान्ति प्रक्रियाको चुनौतीपूर्ण समयमा कार्टर सेन्टरको सक्रिय भूमिकाले सहमति र संवादको वातावरण सिर्जना गर्न महत्वपूर्ण योगदान पु¥याएको शोक सन्देशमा उल्लेख गर्नुभएको छ । कार्टरले द्वन्द्वको समाधान, मानव अधिकारको प्रवद्र्धन र लोकतान्त्रिक अभ्यासलाई सुदृढ बनाउँदै नेपाली जनतालाई शान्ति र समृद्धिको मार्गचित्रमा अगाडि बढ्न प्रेरित गरेको सभामुख घिमिरेले बताउनु भएको छ । सन् २००७ मा नेपालमा शान्ति प्रक्रिया चलिरहँदा उहाँ काठमाडौ आएर विभिन्न राजनीतिक दलका नेताहरूसँग भेटवार्ता गर्नुभएको थियो । यस्तै २०६४ साल र २०७० सालमा भएका संविधानसभाका दुवै चुनावको पर्यवेक्षणका लागि उहाँ नेपाल आउनुभएको थियो । अमेरिकाका पूर्व राष्ट्रपति कार्टरको १०० वर्षको उमेरमा निधन भएको छ । कार्टर सन् १९७७ देखि १९८१ सम्म अमेरिकाका ३९ औं राष्ट्रपति हुनुहुथ्यो भने सय वर्ष बाँचेर कार्टर अमेरिकी इतिहासमा सबैभन्दा लामो समय बाँच्ने पूर्वराष्ट्रपतिको रुपमा समेत रेकर्ड कायम गर्नुभएको कार्टर सेन्टरद्वारा जारी गरेको विज्ञप्तिमा उल्लेख गरिएको छ ।।
