जेजु एयरको बोइङ ७३७–८०० कल साइन विमान दक्षिण कोरियाको मुआन विमानस्थलमा अवतरणका क्रममा दुर्घटना भएको नेशनल फायर एजेन्सीले जानएको छ । रोल..
सो विमान दुर्घटनामा परि हालसम्म १ सय २४ जनाको शव फेला परेको त्यहाँको नेशनल फायर एजेन्सीले जानकारी दिएको हो । बीबीसीका अनुसार जहाजमा ५४ जना पुरुष र ५७ जना महिला रहेको जनाएको छ । मुत्युमध्ये १३ जनाको शवको पहिचान खुल्न सकेको छैन भने विमानबाट दुई जनालाई जीवितै उद्धार गरिएको छ । उद्धार कार्यमा १ हजार ५६२ जना प्रहरी र स्वयसेवक खटिएका छन् भने जसमा वारुण यन्त्रका ४९० जना तथा ४५५ जना प्रहरी अधिकारी रहेका छन् । कोरियामा पछिल्लो पटक सन् २००२ मा ठुलो विमान दुर्घटना भएको थियो भने त्यति बेला एयर चाइनाको विमान दुर्घटना हुँदा १ सय २९ जनाको मृत्यु भएको थियो । कोरियन विमान चाहिँ सन् २०१३ मा दुर्घटनामा परेको थियो । एसियाना एयरलाइन्सको विमान सान फ्रान्सिस्को अन्तर्राष्ट्रिय विमानस्थलमा दुर्घटना हुँदा ३ जनाको मृत्यु भएको थियो । त्येसैगरी एयर क्यानडाको विमानमा आगलागी भएको अन्तराष्ट्रिय सञ्चारमाध्यमले जनाएका छन् । विमान ह्यालिफ्याक्स विमानस्थलमा अवतरण गर्ने क्रममा विमानमा आगो लागेकोे जनाएको छ ।अवतरण गर्नेक्रममा विमान धावनमार्गबाट चिप्लियो र ल्यान्डिङ गियर बिग्रियो बताइएको छ ।तर यस घटनामा कुनै हताहतीबारे तत्काल कुनै जानकारी भने दिइएको छैन ।
